Leviticus 25:1 ουοϩ α `πϭοις ςαϫι νεμ μωυςης ϩι `πτωου `νςινα εϥϫω `μμος
Leviticus 25:2 ϫε ςαϫι νεμ νενϣηρι `μπιςραηλ ουοϩ εκεϫος νωου ϫε εϣωπ αρετενϣανϣενωτεν εϧουν επικαϩι φη ανοκ εϯνατηιϥ νωτεν ουοϩ εϥεερεμτον `νϫε πικαϩι φη ανοκ εϯνατηιϥ νωτεν ϩανςαββατον `ντε `πϭοις νε
Leviticus 25:3 6 `νρομπι εκεςιϯ `μπεκιοϩι ουοϩ 6 `νρομπι εκεϣωτ `μπεκιαϩαλολι ουοϩ εκεθωουϯ `μπεϥουταϩ
Leviticus 25:4 νϧρηι δε ϧεν ϯμαϩ 7 `νρομπι ϩανςαββατον νε ουμτον εϥεϣωπι `μπικαϩι ϩανςαββατον `μ`πϭοις πεκιοϩι `ννεκςατϥ ουοϩ `ννεκϣωτ `μπεκιαϩαλολι
Leviticus 25:5 ουοϩ νη ετναρωτ `νουατου `ντε πεκιοϩι `ννεκςοκου ουοϩ πιιαϩαλολι `ντε πεκτουβο `ννεκϭολϥ ουρομπι `ντε ουμτον εςεϣωπι `μπικαϩι
Leviticus 25:6 ουοϩ ευεϣωπι νϫω νιςαββατον `ντε πικαϩι εκεουομου `νθοκ νεμ πεκβωκ νεμ τεκβωκι νεμ πεκρεμβεχε νεμ πιρεμνϫωιλι εθουεϩ εροκ
Leviticus 25:7 νεμ νεκτεβνωουι νεμ νιθηριον ετϧεν πεκκαϩι εϥεϣωπι νωτεν `νϫε πεϥουταϩ τηρϥ ευϧρε
Leviticus 25:8 ουοϩ εκεωπ νακ ν7 νεμτον `ντε ϩανρομπι 7 `νρομπι ν7 νςοπ ουοϩ ευεϣωπι νακ `νϫε 7 νεβδομας `ντε ϩανρομπι 49. `νρομπι
Leviticus 25:9 ουοϩ ερετενεϩιωιϣ `νουςμη νςαλπιγγος ϧεν πετενκαϩι τηρϥ ϧεν πιαβοτ `μμαϩ7 νςου10. `μπιαβοτ ϧεν πιεϩοου `ντε πιτωβϩ εθβε ουχω εβολ ερετενεϩιωιϣ ϧεν ουςαλπιγγος ϧεν πετενκαϩι τηρϥ
Leviticus 25:10 ουοϩ ερετενετουβο `νϯρομπι `μμαϩ 5 ουοϩ ερετενεϩιωιϣ `νουχω εβολ `νϩρηι ϩιϫεν πικαϩι `νουον νιβεν ετϣοπ ϩιωτϥ ουρομπι `ντε πχω εβολ τε εςεϣωπι εςϯμηινι νωτεν `νϫε θαι ουοϩ εϥεκοτϥ `νϫε `φουαι `φουαι εθη ετε θωϥ νκτηςις ουοϩ `φουαι `φουαι ερετενεϣενωτεν εθη ετε θωτεν `μπατρις
Leviticus 25:11 ουμηινι `ντε ουχω εβολ νωτεν τε θαι ουοϩ ϯρομπι `μμαϩ 5 εςεϣωπι νωτεν `νουρομπι εςϫηκ εβολ `ννετενςιϯ νϧητς ουδε `ννετενωςϧ ννη ετνηου εϩρηι `νουατου νταϥ ουοϩ `ννετενϭωλ ννη εττουβηουτ νταϥ
Leviticus 25:12 ϫε ουμηινι `ντε ουχω εβολ τε εϥεϣωπι νωτεν εϥουαβ ουοϩ ερετενεουωμ `ννεςουταϩ εβολ ϧεν νιμεϣϣοϯ
Leviticus 25:13 ϧεν ϯρομπι `ντε πχω εβολ `ντε πεϥμηινι εϥεκοτϥ `νϫε `φουαι `φουαι επεϥμανϣωπι εταϥϫφοϥ
Leviticus 25:14 ουοϩ εϣωπ `ντεκϯ `νουνχαι εβολ `μπεκϣφηρ ιε `ντεκϣωπ ντοτϥ `μπεκϣφηρ `μπενθρε `φρωμι ϩοϫϩεϫ `μπεϥϣφηρ
Leviticus 25:15 κατα τηπι `ντε νιρομπι ουοϩ μενενςα πιμηινι εκεϣωπ ντοτϥ `μπεκϣφηρ κατα τηπι `ννιρομπι `ντε νιουταϩ εϥεϯ νακ `νουϣεβιω
Leviticus 25:16 κατα πιϩουο `ντε νιρομπι εϥεθρε πεϥϫφο αϣαι νακ ουοϩ κατα πιςβοκ `ντε νιρομπι εϥεθρε πεϥϫφο ςβοκ ϫε νθοϥ ετναϯϣεβιω νακ ντηπι `ντε νιουταϩ
Leviticus 25:17 ουοϩ `μπενθρε `φρωμι ϩοϫϩεϫ `μπεϥϣφηρ ουοϩ εκεερϩοϯ ϧατϩη `μ`πϭοις πεκνουϯ ϫε ανοκ πε `πϭοις πετεννουϯ
Leviticus 25:18 ουοϩ ερετενειρι νναμεθμηι τηρου νεμ ναϩαπ τηρου ουοϩ ερετενεαρεϩ ερωου ουοϩ ερετενεαιτου ουοϩ ερετενεϣωπι ϩιϫεν πικαϩι ϧεν ουταϫρο `νϩητ
Leviticus 25:19 ουοϩ πικαϩι εϥεϯ `ννεϥουταϩ ουοϩ ερετενεουωμ επςι ουοϩ ερετενεϣωπι ϩιϫεν πικαϩι ϧεν ουταϫρο `νϩητ
Leviticus 25:20 εϣωπ δε αρετενϣανϫος ϫε ου πετενναουομϥ ϧεν ϯρομπι `μμαϩ 7 εϣωπ `ντενϣτεμςιϯ ουοϩ `ντενϣτεμθωουϯ `ννενουταϩ
Leviticus 25:21 ουοϩ ειεουωρπ νωτεν `μπαςμου ϧεν ϯρομπι `μμαϩ 6 ουοϩ ερε πικαϩι ταουο `μπιουταϩ εβολ εϥκηβ ν3. νςοπ εθβε ϯ3. `νρομπι
Leviticus 25:22 ουοϩ ερετενεςιϯ ϧεν ϯρομπι `μμαϩ8. ουοϩ ερετενεουωμ `νϩαναπας εβολ ϧεν νιουταϩ ϣα ϯρομπι `μμαϩ9. ϣατουι `νϫε νεςουταϩ ουοϩ ερετενεουωμ `νϩαναπας `ντε ϩαναπας
Leviticus 25:23 ουοϩ ννουϯ `μπικαϩι εβολ ευταϫρο φωι γαρ πε πικαϩι εθβε ϫε νθωτεν ϩανϣεμμωου ουοϩ `νρεμνϫωιλι `μπαμθο
Leviticus 25:24 ουοϩ κατα πικαϩι τηρϥ `ντε πετεναμαϩι ερετενεϯ `νϩανςωϯ `μπικαϩι
Leviticus 25:25 εϣωπ δε εϥοι `νϩηκι `νϫε πεκςον ετνεμακ ουοϩ `ντεϥϯ εβολ ϧεν πεϥαμαϩι ουοϩ `ντεϥι `νϫε φη ετϫηϥ ετϧεντ εροϥ εϥεςωϯ `μπιϯ εβολ `ντε πεϥςον
Leviticus 25:26 εϣωπ δε εουον ουαι `μμον πετϫηϥ ϧαροϥ `μπε τεϥϫιϫ ϫιμι ϧεν τεϥϫιϫ ουοϩ `ντεϥϫιμι ναϥ `μπιρωϣι `νςωϯ νταϥ
Leviticus 25:27 ουοϩ εϥεϥι `μπωπ `ννιρομπι `ντε πεϥϯ εβολ ουοϩ φη ετοι `νϩουο εϥετηιϥ `μπιρωμι φη εταϥϯ ναϥ εβολ ουοϩ εϥεταςθο επεϥαμαϩι
Leviticus 25:28 εϣωπ δε `ντεϣτεμ τεϥϫιϫ ϫιμι `μπιρωϣι ϩωςδε εϯϣεβιω ναϥ εϥεϣωπι `νϫε πιτηιϥ εβολ ντοτϥ μφη εταϥϣωπ ϣα ϯμαϩ6 `νρομπι `ντε πιχω εβολ ουοϩ εϥει εβολ ϧεν πςηου `ντε πιχω εβολ ουοϩ εϥεταςθο `μπεϥαμαϩι
Leviticus 25:29 ουοϩ εϣωπ αρεϣαν ουαι ϯ `νουηι εβολ ευϣοπ νϧητϥ εϥ ϧεν ουβακι εςτακτηουτ νςοβτ ουοϩ εϥεϣωπι `νϫε πεϥςωϯ ϣατεςϫωκ εβολ `νϫε ϯρομπι `ντε ϩανεϩοου εϥεϣωπι `νϫε πεϥςωϯ
Leviticus 25:30 εϣωπ αυϣτεμςοτϥ ϣατεςϫωκ εβολ `νϫε ϯρομπι τηρς εϥεϣωπι `νϫε πιηι φη ετϧεν ϯβακι εττακτηουτ νςοβτ ϧεν ουταϫρο μφη εταϥϣοπϥ εϥεϣωπι ναϥ ενεϥϫωου ουοϩ `ννεϥι εβολ ϧεν πςηου `ντε πιχω εβολ
Leviticus 25:31 νιηι δε νθωου ετϧεν νιερβι νη ετε `μμον ςοβτ τακτηουτ ερωου ευεοπου εϯκοι `ντε πικαϩι ευεϣωπι ευςωϯ μμωου νςηου νιβεν ϧεν πςηου `ντε πιχω εβολ ευει εβολ
Leviticus 25:32 ουοϩ νιβακι `ντε νιλευιτης νιηι `ντε νιβακι `ντε πουαμαϩι ευεϣωπι ευςωϯ μμωου νςηου νιβεν `νϫε νιλευιτης
Leviticus 25:33 ουοϩ φη ετναςωϯ ντοτου `ννιλευιτης εϥει εβολ `νϫε πιϯ εβολ `ντε νιηι `ντε θβακι `ντε πουαμαϩι ϧεν πςηου `ντε πιχω εβολ ϫε νιηι `ντε νιβακι `ντε νιλευιτης ουαμαϩι ντωου πε ϧεν θμηϯ `ννενϣηρι `μπιςραηλ
Leviticus 25:34 ουοϩ νικοι εταυουοτου νωου εβολ `ννιβακι ννουτηιτου εβολ ϫε ουαμαϩι ντωου νενεϩ πε φαι
Leviticus 25:35 εϣωπ δε πεκςον ετνεμακ ουϩηκι πε ουοϩ `ντεϥερατϫομ ϧεν νεϥϫιϫ ϧατοτκ εκεϯτοτϥ ` μ`φρηϯ `νουϣεμμο νεμ ουρεμνϫωιλι ουοϩ εϥεωνϧ `νϫε πεκςον νεμακ
Leviticus 25:36 `ννεκϭι μηςι ντοτϥ ουδε εϫεν ουμηϣ ουοϩ εκεερϩοϯ ϧατϩη `μ`πϭοις πεκνουϯ ϫε ανοκ πε `πϭοις ουοϩ εϥεωνϧ `νϫε πεκςον νεμακ
Leviticus 25:37 `ννεκϯ `μπεκϩητ ναϥ εθμηςι ουοϩ εϫεν ουμετϩουο `ννεκϯ `ννεκϧρηουι ναϥ
Leviticus 25:38 ϫε ανοκ πε `πϭοις πετεννουϯ φη εταϥεν θηνου εβολ ϧεν `πκαϩι `νχημι εϯ νωτεν `μπικαϩι `ντε χανααν ϫε νταϣωπι νωτεν ννουϯ
Leviticus 25:39 εϣωπ δε αρεϣαν πεκςον ϩει `μπεκμθο ουοϩ ντουτηιϥ νακ εβολ `ννεϥερβωκ ναϥ ϧεν ουμετβωκ `ντε ουβωκ
Leviticus 25:40 εϥεϣωπι ϧατοτκ ` μ`φρηϯ `νουρεμβεχε νεμ ουρεμνϫωιλι εϥεερϩωβ νακ ϣα ϯρομπι `ντε πιχω εβολ
Leviticus 25:41 ουοϩ εϥει εβολ ϧεν ϯρομπι `ντε πιχω εβολ νθοϥ νεμ νεϥϧροϯ νεμαϥ ουοϩ εϥεϣεναϥ επεϥϫωου ουοϩ εϥεϭοϫι επαμαϩι `ντε νεϥιοϯ
Leviticus 25:42 ϫε ουηι γαρ ϩανεβιαικ ντηι νε ναι νη εταιενου εβολ ϧεν `πκαϩι `νχημι `ννεκτηιϥ εβολ ϧεν ουμετβωκ `ντε ουβωκ
Leviticus 25:43 `ννεκϧοθβεϥ ϧεν ουϧιςι εϥμοκϩ ουοϩ εκεερϩοϯ ϧατϩη `μ`πϭοις πεκνουϯ
Leviticus 25:44 ουοϩ ουβωκ ιε ουβωκι νη τηρου ετναϣωπι νακ εβολ ϧεν νιεθνος τηρου νη ετκωϯ εροκ εβολ νϧητου ερετενεϣωπ νωτεν `νϩανβωκ νεμ ϩανβωκι
Leviticus 25:45 ουοϩ εβολ ϧεν νιϣηρι `ντε νιρεμνϫωιλι ετϣοπ ϧεν θηνου εβολ ϧεν ναι ερετενεϣωπ νωτεν νεμ εβολ ϧεν `νουςυγγενια νη τηρου ετναϣωπι ϧεν πετενκαϩι μαρουϣωπι νωτεν ευαμαϩι
Leviticus 25:46 ουοϩ ερετενεφαϣου εϩρεν νετενϣηρι μενενςωτεν ουοϩ ευεϣωπι νωτεν ερετενεαμαϩι μμωου ϣα ενεϩ εβολ δε νετενςνηου νενϣηρι `μπιςραηλ `φουαι `φουαι `ννεϥτϩεμκο `μπεϥςον ϧεν ϩανϧιςι ευμοκϩ
Leviticus 25:47 ουοϩ εϣωπ αϥϣανϫιμι ϧεν τεϥϫιϫ `νϫε πιϣεμμο ιε πιρεμνϫωιλι ετ ϧατοτκ ουοϩ `ντε πεκςον ερατϫιμι ουοϩ ντουτηιϥ εβολ `μπιϣεμμο ιε πιρεμνϫωιλι ετϧατοτκ ιε ουϣεμμο ιςϫεν τεϥϫινμιςι
Leviticus 25:48 μενενςα θρουτηιϥ εβολ ουςωϯ εϥεϣωπι ναϥ ουαι εβολ ϧεν νεϥςνηου εϥεςοτϥ
Leviticus 25:49 ουςον `ντε πεϥιωτ ιε `πϣηρι `νουςον `ντε πεϥιωτ εϥεςοτϥ ιε εβολ ϧεν νιρεμϧενηι `ντε τεϥςαρξ ιε εβολ ϧεν τεϥφυλη εϥεςοτϥ εϣωπ δε αϥϣανϫιμι ϧεν τεϥϫιϫ εϥεςωϯ `μμοϥ μμιν `μμοϥ
Leviticus 25:50 ουοϩ εϥεϥιωπ νεμ φη εταϥϣοπϥ εροϥ εβολ ϧεν ϯρομπι `ντε πεϥτηιϥ εβολ μμιν `μμοϥ ϣα ϯρομπι `ντε πιχω εβολ ουοϩ εϥεϣωπι `νϫε πιϩατ `ντε πεϥτηιϥ εβολ ` μ`φρηϯ `νουρεμβεχε `νουρομπι εβολ ϧεν ουρομπι εϥεϣωπι νεμαϥ
Leviticus 25:51 εϣωπ δε `ντε ουϩουο `ννιρομπι εϥεϣωπι `νουαι κατα ναι εϥεϯ `ννεϥςωϯ εβολ ϧεν πιϩατ `ντε πεϥτηιϥ εβολ
Leviticus 25:52 εϣωπ δε `ντε ουκουϫι ςωϫπ εβολ ϧεν νιρομπι εϯρομπι `ντε πιχω εβολ ουοϩ εϥεϥιωπ νεμαϥ κατα νεϥρομπι ουοϩ εϥεϯ `ννεϥςωϯ ` μ`φρηϯ `νουρεμβεχε
Leviticus 25:53 `νουρομπι εβολ ϧεν ουρομπι εϥεϣωπι νεμαϥ `ννεκτϩεμκοϥ ϧεν ϩανϧιςι ευμοκϩ `μπεκμθο
Leviticus 25:54 εϣωπ δε `ντεϣτεμςωϯ ϣωπι κατα ναι ουοϩ εϥει εβολ ϧεν ϯρομπι `ντε πιχω εβολ νθοϥ νεμ νεϥϣηρι νεμαϥ
Leviticus 25:55 ϫε ουηι γαρ νενϣηρι `μπιςραηλ ναεβιαικ νε ϩαναλωουι ντηι νε ναι νη εταιενου εβολ ϧεν `πκαϩι `νχημι ϫε ανοκ πε `πϭοις πετεννουϯ